FLJÓTANDI MINNING
Fljótandi minning um sólrík sumarkvöld
Þegar sólin hækkar á lofti og dagarnir lengjast, þá byrja glösin að glitra. Það er eitthvað sérstakt við þessi kvöld þegar rósrauður bjarmi er á kvöldhimninum og vorilmur er í lofti. Á slíkum stundum finnst mér (okkur) fátt betra en að tylla mér á svalirnar með Hugo Spritz í hönd, drykk sem fangar kjarna vorsins.
Hver var Hugo?
Margir halda að Hugo sé karlmaður með langa sögu, en sannleikurinn er sá að Hugo Spritz fæddist ekki til í vínkjallara eins og frændi hans, Aperol Spritz, heldur er hann tiltölulega nýr á sjónarsviðinu. Það var árið 2005 sem Roland Gruber barþjónn frá Suður-Tíról í Norður-Ítalíu skapaði Hugo Spritz. Hann nefndi drykkinn ekki eftir manneskju heldur er nafnið Hugo talið vera vísun í Huflattich (hóffífill á þýsku), þar sem upprunalega uppskriftin innihélt sýróp úr þessari jurt.
Sumarkvöld í glasi
Þegar ég loka augunum með Hugo Spritz í hendi rifjast upp minningar um sólrík sumarkvöld við Miðjarðarhafið, þar sem fólk safnast saman á torgum til að njóta kvöldsælunnar. Ólíkt mörgum öðrum kokteilum ber Hugo Spritz með sér léttleika – hann þvingar sig ekki upp á mann með sterkum bragðefnum heldur hvíslar að þér fínlegum blæbrigðum.
Töfraformúlan
- 15 ml Starlino Elderflower
- 1 grein af myntu
- 120 ml prosecco, kalt
- 30 ml sódavatn, kalt
- Skraut: Myntusproti
- Skraut: Sítrónusneið
Leiðbeiningar:
- Settu Starlino Elderflower og myntusprota í vínglas. Blandaðu varlega saman og láttu bíða í 3 mínútur.
- Bættu við klaka, prosecco og sódavatni og hrærðu stuttlega og varlega saman.
- Skreyttu með myntusprot og sítrónusneið.
Vor og sumar eru ekki bara árstíðir, heldur hugarástand sem við getum kallað fram þegar við viljum.
