Bylting í Skeifunni

Í anddyri höfuðstöðva Santé í Skeifunni 8 hefur nú verið komið fyrir snertiskjá þar sem hægt er að panta Tuborg Julebryg og nýfæddan litla bróður hans, Lille Jul, á netinu og fá bjórinn afhentan samstundis af sjálfvirku vélmenni. Þetta er fyrsta lausn sinnar tegundar svo vitað sé sem byggir á rafrænum skilríkjum. Hér er á ferðinni íslenskt hugvit sem er alfarið þróað af Santé.

Þessi nýja viðbótarþjónusta er ekki aðeins tæknilegt undur heldur einnig loforð um nýja tíma í netverslun. Með því að sameina vélmennatækni,  hugbúnaðarþróun og öruggt aldurseftirlit opnar Santé dyr þar sem þægindi, verð og úrval mætast.

Viðbót við núverandi þjónustu

Allir geta nú þegar komið í sýningarsal fyrirtækisins í Skeifunni 8, valið úr öllu vöruúrvali netverslunarinnar og fengið vörurnar afhentar nokkrum mínútum síðar. Nýja tæknilausnin með snertiskjá og vélmenni er sérstök viðbót fyrir þá sem vilja panta Tuborg Julebryg með samstundis afhendingu.

Pantað er á netinu í gegnum snertiskjá í anddyrinu. Eftir að pöntun er staðfest og greiðsla farin í gegn tekur vélmennið við og sækir vörurnar úr hillu og afhendir á innan við mínútu. Upplifunin er ekki ósvipuð því að stíga inn í vísindaskáldsögu en þetta er raunveruleikinn í dag hjá Santé.

Íslenskt hugvit í fararbroddi

Verkefnið er einstakt og alfarið sprottið úr íslenskum jarðvegi. Allur hugbúnaður, öll samþætting og útfærsla var unnin af Santé. Verkefnið sýnir hvernig hægt er að nýta tæknina til að skapa betri og skilvirkari netverslun fyrir neytendur.

Betri þjónusta fyrir alla

Markmiðið er að bjóða upp á betri netverslun fyrir alla landsmenn.

• Betra verð: Aukin sjálfvirkni gerir kleift að bjóða samkeppnishæfara verð.
• Betra úrval: Fjölbreyttara úrval af sérvöldum vörum.
• Betra eftirlit: Aldurseftirlit er tryggt með rafrænum skilríkjum – öruggasta aðferðin sem völ er á.
• Lengri opnunartími: Sjálfvirknin opnar á möguleika til að lengja opnunartíma netverslunarinnar.

Framtíðin er hér

Með þessari nýjung er Santé að færa framtíðina nær og tryggja að allir landsmenn hafi jafnan aðgang að henni. Við hvetjum alla til að koma við í Skeifunni 8 og upplifa þessa byltingu með eigin augum. Sjón er sögu ríkari.