Mosi Gin / Eldfell / úr Portvíns tunnu

Eldfell varð til í gosi sem lagði nýjan grunn að Vestmannaeyjum árið 1973. Jarðvegurinn er enn volgur, hlíðarnar skjálfa í hávaðaroki og andrúmsloftið ilmar af söltum sjónum.

Eldfjallið er útsett fyrir vályndum veðrum Norður-Atlantshafsins. Hitastigið sveiflast og loftþrýstingurinn líka. Breytingar á loftþrýstingi ýta gininu inn í viðinn í tunnunni og dregur það svo út aftur, aftur og aftur.

Þetta Mosi Gin er veðrað í Portvíns tunnum.

Á Eldfelli, þar sem tunnurnar standa berskjaldaðar fyrir vindum og þrýstingsbreytingum úti á Atlantshafi verða bragðtónarnir léttari og þynnri með skörpum sítrusblæ.

Við mælum með að þú drekkir ginið á klaka með örlitlu Fentimans Connoisseurs tóniki sem fæst hér í versluninni - og enga sítrónu eða límónu þannig að ginið njóti sín sem best. Þessi margslungnu brögð gerir ginið líka að að sérlega fjölhæfum drykk sem nýtist vel í klassískum kokteilum - það gefur gini og tónik dramatíska dýpt, skapar óvenjulegan og minnistæðan martini og umbyltir Negroni með sínum einstaklega reykta karakter. Jafnframt er það nægilega fágað til að njóta þess eins og sér.

Framleitt í mjög takmörkuðu magni.