Handverksvín, eins og nafnið gefur til kynna eru um margt frábrugðin iðnaðarframleiðslu, nokkuð sem krefst hugvits, nákvæmni og líkamlegt atgervis. Þegar aldurinn færist yfir er skiljanlegt að eldri kynslóðir reyni að draga úr streðinu en oftar en ekki eru þær yngri drifnar áfram af óseðjandi þörf til að bæta um betur og komast efst í metorðastigann jafnvel þó að tímakaupið sé lágt. Hið eiginlega Cote de Nuits er svæðið sunnan við þorpið Nuits St. Georges og nær yfir þrjú lítil þorp (sem vínin eru þó ekki kennd við). Hér er jarðvegurinn afar rýr og stutt niður á kalkstein. Margir telja að vínviðurinn þurfi að þjást og að við slíkar aðstæður verði afraksturinn einmitt steinefnarík vín sem gefi sterka sýn á upprunann. 

Ein nýjasta víngerðarstjarna Burgundy héraðs heitir Camille Thiriet sem rekur samnefnt víngerðarhús sem samanstóð af tveimur hekturum ræktarlands úr eigin fjölskyldu en telur nú samtals 6 hektara eftir kaup á víngerðarhúsinu Domaine Gilles Jourdan.