DJÚPAR RÆTUR

Pierre-Yves Colin-Morey og Caroline Morey eru hjón sem bæði hafa djúpar rætur í Búrgúndí. Pierre-Yves er elsti sonur Marc Colin frá Saint-Aubin, en Caroline er elsta dóttir Jean-Marc Morey frá Chassagne-Montrachet. Þau sameinuðu krafta sína bæði í víngerð og lífi og stofnuðu hvort sitt vínhús en deila kjallara - og kannski hugmyndafræði.

Pierre-Yves yfirgaf fjölskylduvíngerðina Domaine Marc Colin árið 2005 og stofnaði Domaine Pierre-Yves Colin-Morey með rúmum 6 hekturum af ekrum fjölskyldunnar. Caroline tók svo við hluta af ekrum föður síns árið 2014, þegar hann fór á eftirlaun, og stofnaði Domaine Caroline Morey. Hún ræktar nú á 7 hekturum, einkum í Santenay og Chassagne-Montrachet - og gerir hvítvín og rauðvín.

Pierre-Yves og Caroline deila kjallara í Chassagne og beita svipuðum aðferðum; engin síun og lítið af nýrri eik. Hvítu þrúgurnar eru pressaðar í heilum klösum (e. whole cluster) og þroskaðar á 350 lítra tunnu (demi-muid) til að milda áhrif af eik. Malólaktísk gerjun fer fram náttúrulega, og þau hræra ekki á gerinu (batonnage) til að viðhalda tærleika og ferskleika.

Caroline notar sömu aðferðir í rauðvínum sínum með tilbrigðum eftir árgangi – og tekst þannig að fanga eiginleika Pinot Noir.

Colin og Morey ættirnar hafa helgað sig víngerð um margar kynslóðir. Joseph Colin, bróðir Pierre-Yves, rekur sitt eigið vínhús eftir að hafa unnið með föður þeirra hjá Domaine Marc Colin. Bruno Colin og Philippe Colin, frændur Pierre-Yves, eru synir hins goðsagnakennda Michel Colin-Deleger, sem skipti sínum ekrum á milli sona sinna. Báðir reka sín eigin vínhús í Chassagne.

Að lokum má nefna Simon Colin, son Philippe og bróðurson Bruno, en hann er af yngstu kynslóð Colin-ættarinnar. Hann byrjaði að vinna með föður sínum árið 2017 eftir að hafa aflað sér reynslu - meðal annars hjá Etienne Sauzet (sem við höfum einnig til sölu í verslun okkar) og í Oregon og Suður-Afríku. Árið 2021 tók hann við rúmum 9 hekturum af ekrum frá föður sínum í Chassagne og hafa vínin hans vakið verðskuldaða athygli. Hann hefur tileinkað sér svipaða hugmyndafræði og Pierre-Yves og Caroline: náttúruleg gerjun, lítið af nýrri eik eikar, og að vínin eigi að endurspegla uppruna sinn.

Þess ber að geta að við flytjum inn og seljum vín frá Simon. Nánari upplýsingar hér.

2022

Árið 2022 var einstaklega farsælt fyrir Pierre-Yves Colin-Morey og Caroline Morey. Vorið var óvenju milt og þrátt fyrir að vínviðurinn hafi vaknað snemma eftir vetrarhvíldina sluppu þau að mestu við frostskemmdir sem oft ógna vínrækt á svæðinu. Nokkurt álag varð í kringum blómgunartímann vegna myglu en með natni tókst þeim að halda tjóninu í skefjum.

Sumarið einkenndist af löngu þurrkatímabili án þess þó að vera mjög heitt, sem skapaði kjöraðstæður fyrir þroskun vínberjanna. Þessi frábæru skilyrði gerðu þeim kleift að hefja uppskeruna 22. ágúst og ljúka henni 3. september. Þetta gerir 2022 að næstsnemmbærasta árgangi í sögu vínbýlanna.

Hvítvínin frá þessum árgangi eru nákvæm og djúp, með vaxandi orku við öldrun á fínum geri í 350 lítra tunnum. Áfengisinnihaldið er á bilinu 12,0% til 13,5%. Rauðvínin eru ávaxtarík, fersk og þétt með áfengisinnihald milli 12 og 13%. Rauðvínunum var tappað á í desember 2023, en hvítvínin frá janúar til júlí 2024. Vínin þeirra eru hvorki hreinsuð né síuð.

Synir hjónanna, Mathis (24 ára) og Clément (21 árs), hafa nú gengið til liðs við víngerðina eftir að hafa öðlast reynslu.

Síðla árs 2023 gerði fjölskyldan samkomulag um nýjar vínekrur í nágrenni Meursault. Um er að ræða 1er Cru "Perrieres", "Goutte d'Or", "Poruzots", Meursault Village. Þá í Puligny-Montrachet 1er Vru "Chalumeaux" og Monthelie 1er Cru "Clos des Champs Fuillots". Fyrstu vínin af þessum ekrum verða úr 2024 árganginum.

Burghound og Jasper Morris lofuðu 2022 árganginn sérstaklega fyrir hvítvín og bentu á að hann gæti orðið jafn áhrifamikill og 2014 og 2017 – en með meira jafnvægi.

FORSALA OG ÚTHLUTANIR

Byggt á fyrri kauphegðun og neyslumynstri hafa úthlutunarréttindi viðskiptavina nú virkjast.

Heildarmagn er sem fyrr knappt sem kallar á haganlega meitlaðar úthlutanir. Engu að síður er viðskiptavinum sem ekki hafa fengið úthlutanir áður velkomið að hafa samband ef þeir hafa áhuga. Rétthafar úthlutunar kunna að taka ranga ákvörðun eða hafa fallið frá.

Þess ber að geta að öll vín frá PYCM hafa lækkað í verði frá fyrra ári og hið sama má segja um nánast öll vín frá Caroline Morey.

Hafðu samband

Við reynum að svara innan 24. klst.