Fyrstu kynnin - Champagne og Burgundy

Við höfum stillt upp viðburðum fyrir 10-12 manns sem hentugum fjölda m.a. til að láta eina flösku í tegund duga fyrir hópinn. Léttvín kalla auðvitað á létta stemningu og þó svo að um sé að ræða þrotlausa þekkingarleit, tökum við tilefnið hæfilega alvarlega.

Grunnatriði varðandi vín er að þau bragðast mismunandi eftir tegund af þrúgu, upprunasvæði og að einhverju leiti víngerð. Almennt má segja að við viljum helst lata víngerðarmenn þannig að upprunaekra vínsins og eiginleikar hvers árgangs skíni í gegn.

Hjá okkur er engin ástæða til að óttast að kunna ekki skil á spekingslegum spurningum nú eða innihaldslausum frösum, við getum bæði lagt til spurngar og svör.

Í þessu grunnnámskeiði er prófuð:

• 2-3 x kampavín
• 2 x inngangshvítvín (bourgogne level)
• 2 x inngangsrauðvín (bourgogne level)
• 2 x hvít þorpsvín
• 2 x rauð þorpsvín
• 1 x 1er Cru hvítt eða rautt

Við ábyrgjumst að það verður léttara á hjalla hjá okkur en Edouard Manet.