Drappier Coffret Immersion Brut Nature - tvær flöskur

Takmarkað magn. Það komu einungis 10 kassar til landsins.

Fyrir 155 milljónum ára lá Champagne hérað á hafsbotni. Rætur vínviðsins ferðast í gegnum þessi fornsögulegu jarðlög sem geyma leifar frá sjónum, skeldýr ýmis konar sem nú eru steingervingar eða hafa runnið saman við kalksteininn.

En nú fer Champagne hérað til sjávar.

4. október 2020 var 3495 kampavínsflöskum slakað niður á hafsbotn á 31 metra dýpi í Lannion flóa á Brittaníuskaganum. Sumarið 2022 voru 1368 flöskur hífðar upp og þetta sett inniheldur eina af þessum flöskum.

Þrýstingurinn, hitastigið og ljósmagnið á 30 metra dýpi skapa saman fullkomnar aðstæður til þess að þroska kampavín.

Kassinn inniheldur sem fyrr segir eina af flöskunum sem voru geymdar á hafsbotni í nærri tvö ár og svo eina flösku sömu tegundar sem var geymd í kjallara.

En er einhver munur á þeim? Sannleikann er að finna í botni flasknanna.