2023 Chanzy Bouzeron "Clos de La Fortune" Monopole

Jarðvegurinn í vínekrunni Clos de la Fortune myndaðist fyrir 160 milljónum ára. Chanzy á hann allan – og með honum einhverjar bestu Aligoté-þrúgur í heiminum. Við tókum í dag við sendingu af þessu frábæra sumarvíni frá Chanzy.

Hvað gerir þetta vín sérstakt?

Monopole ekra: Chanzy á og ber ábyrgð á öllum vínvið á þessum 2 hektara reit. Hún er ekki mikið stærri en u.þ.b. fjórar sumarbústaðalóðir.

160 milljóna ára jarðvegur: Kalksteinn og mergill (leir- og kalksteinsblanda) frá Oxfordian tímabilinu gefa víninu einstakan steinefnakeim og góðan strúktúr. Mergill þykir afbragðs jarðvegur fyrir vínrækt því hann leyfir vatni að renna í gegn en heldur samt í passlega mikinn vökva. Kalkið gefur víninu steinefnakeim sem þykir eftirsóttur eiginleiki. Jarðvegurinn er nógu mjúkur til að ræturnar geti komist mjög djúpt en nægilega stöðugur til að styðja við vöxt vínviðsins.

Gamall vínviður: 35 ára að meðaltali en sumar plönturnar eru nærri 100 ára! Þetta gefur þrúgunum dýpt og mikinn þéttleika.

90 Mid lemon and lime. Good fruit energy here. Really classy and tangy, with excellent persistence, layered and classy. Drink from 2025-2029. Tasted Mar 2025. - Jasper Morris