Luigi Moretti hóf bjór- og ísframleiðslu fyrir 100 árum í litla þorpinu Udine á Ítalíu. Bærinn á rætur sínar að rekja til ársins 1365 þegar Ítalía var að sameinast í eitt land og uppreisnir voru tíðar innan Ungversk-Austurríska keisaradæmisins. Þótti þá nauðsynlegt að hafa fallbyssur tiltækar á bæjartorginu. Luigi Moretti fæddist með silfurskeið í munni í auðugri verslunarfjölskyldu og sá betri framtíð í að sameina fólk á góðri stundu með góðum bjór og að allan ágreining mætti fremur leysa með réttu verði en sverði.

Dag einn árið 1942 sat vingjarnlegur eldri gestur á veitingastaðnum Trattoria Boschetti, værðarlegur í fasi í grænum jakka og með hatt. Frændi Luigi Moretti sem átti leið um spurði hvort hann mætti smella af honum ljósmynd í skiptum fyrir einn bjór sem síðar varð að einkennismynd bjórsins ásamt boðskapnum um vingirni.