2022 Anne & Herve Sigaut Chambolle-Musigny

Þorpið Chambolle-Musigny er staðsett í hjarta Côte de Nuits svæðisins í Burgundy héraði.

Síðari hluti nafnsins vísar í bestu ekru þorpsins, Musigny, en vínunum þaðan hefur verið lýst sem járnhnefa í silkihanska.

Hjónin Anne og Hervé Sigaut rækta vínvið á 7 hekturum og kemur þetta vín úr fjórum mismunandi ekrum í þorpinu Chambolle-Musigny. Töfrarnir liggja í jarðveginum sem mótast hefur frá fornsögulegum tíma úr kalki og leir.

Eins og háttar til um vín í góðu jafnvægi þá bragðast þetta vín best aðeins undir stofuhita, 16°C.