Í lok október kemur hingað til lands víngerðarfólk Thierry Laffay, Edouard Confuron, Yvon Clerget, Fontaine Gagnard og Humbert Fréres. Með í för verður matreiðslumaðurinn Roland Chanliaud sem ræður ríkjum á veitingastofunni Maison du Colombier í Beaune.

Tilefnið er að halda sérstakan kvöldverð fyrir vandláta á veitingastofunni Brasserie Eiriksson á Laugavegi. Þar munu matreiðslumennirnir Roland og Friðgeir töfra fram máltíð með Búrgúndí ívafi ásamt því að sérstakur vínseðill verður í boði þetta kvöld, þann 1. nóvember nk. Við erum ekki byrjaðir að taka við borðapöntunum en áhugasöm geta skráð sig á lista með því að senda tölvupóst á elias@sante.is.