Pazo de Señorans er af mörgum talinn vera einn besti Albariño framleiðandinn á Spáni.

Þau hafa yfir að ráða 18,5 ha. en kaupa einnig þrúgur frá nágrönnum sínum.

Pazo de Señorans rækta vínviðinn á pergólum sem eru eins konar grindur eða rammar sem vínviðurinn hvílir á. Þessar grindur lyfta vínviðnum upp frá jörðinni, sem eykur loftflæði og hjálpar til við að koma í veg fyrir myglu og rakamyndun. Pergólurnar gera líka auðveldara að tína þrúgurnar og hámarka sólarljós sem talið er bæta þroska og bragð þrúganna. Þetta kerfi er algengt í Galisíu.

Þrúgurnar eru handtíndar í litlar körfur í september og fluttar með hraði til víngerðarinnar. Hver lota er gerjuð sérstaklega í hitastýrðum stáltönkum. Malolactic gerjun er stöðvuð til að halda ferskleika vínanna.