En hvað er það í raun og veru sem skiptir mestu máli þegar vínglös eru annars vegar? Að mínu mati er það notagildið og hvernig það segir mér frá víninu. Það er jú ilmur af víni sem þarf að miðla með ákveðnum hætti því það er stór hluti af upplifun við víndrykkju. Stærð og lögun belgsins hefur mikil áhrif þegar kemur að þessari miðlun. Glasið þarf líka að vera þægilegt í hendi og blasbarmurinn þarf að vera þægilegur viðkomu fyrir varirnar. Verðið skiptir einnig máli og síðast en ekki síst þarf að vera hægt að þvo glösin í venjulegri heimilisuppþvottavél. 

Allt frá árinu 2014 höfum við leitað að hinu eina rétta glasi, svona ekki ósvipað og leitin að Neanderthals geninu sem nýlega fannst á ólíklegasta stað inni í Homo Sapiens.  Okkar leit er nú einnig lokið þar sem við fundum glös hönnuð í Sviss af Grassl en munnblásin af nokkrum sígaunafjölskyldum í Slóvakíu sem jafnframt hafa yfirumsjón með allri framleiðslu félagsins. Glösin eru meðal annars unnin úr endurunnu gleri sem brætt er við 1700 gráðu hita. Grunnurinn er að glösin eiga að mæta ítrustu kröfum vínframleiðenda um að skila öllum eiginleikum vínsins í munn neytendans (semsagt frá munni glerblásarans).