Burgundy 101

BURGUNDY

The heartland for white Burgundy is the Côte de Beaune with its three great villages, Meursault, Puligny-Montrachet and Chassagne-Montrachet. Here the vineyard classification system really comes into its own. On the flattest land, the wines will be classed only as generic Bourgogne Blanc; as the slope begins to rise, the wines are designated by the name of their village. At mid-slope, the finest vineyards (whose wines are bottled separately) are categorised as Premier Cru (eg Les Charmes) or Grand Cru (Le Montrachet).

Though attractive wines can be found in the Côte Chalonnais (Mercurey, Givry), the great red wines of Burgundy are found in the Côte d’Or. The line of magical villages which constitutes the Côte de Nuits, Gevrey-Chambertin, Morey-St Denis, Chambolle-Musigny, Vougeot, Vosne-Romanée and Nuits-St Georges is practically a roll call of great names. The Côte de Beaune competes through such gems as Volnay and Pommard, which are adjacent yet contrasting villages: lacy elegance for the wines of Volnay, while sturdy and more structured in those from…..

Marsannay

Marsannay, að því er best er vitað er þetta eina þorpið sem framleiðir vín í öllum litum, rósa, rautt og hvítt. Héðan koma ljómandi fín vín á verði sem er nokkuð lægra heldur en sunnar á svæðinu.

Fixin

Fixin samanstendur af ekrum sem eru bæði þorpsvín og 1er Cru og stundum kölluð ,,vetrarvín” sem þóttu hér áður fyrr í kraftmeiri/tannískari kantinum. Í seinni tíð hafa menn tekið upp mýkri víngerðarstíl. Vínin héðan eru að jafnaði ódýrari en frá næsta þorpi sem er Gevrey Chambertin.

Gevrey-Chambertin

Gevrey Chambertin dregur seinni hluta nafnsins frá samnefndri ekru ,,Chambertin” sem er ein af níu Grand Cru ekrum þoprsins. Að auki eru hér 26 ekrur fokkaðar fyrsta flokks eða ,,1er Cru”.

Morey St. Denis

Morey st. Denis er nefnt eftir samnefndum dýrðling sem var biskup Parísar og verndari knattspyrnuvallar í borginni auk samnefndrar verslunargötu. Denis ku hafa sett met sem ekki hefur enn verið slegið og fólst í að ganga nokkra kílómetra eftir að hafa verið hálshöggvin með hausinn undir hendinni. Hóflegur rígur er milli Gevrey og Morey um hvort þorpið geri betri vín en alls eru fimm Grand Cru ekrur í Morey og 20 1er Cru.

Chambolle-Musigny

Chambolle-Musigny. Tvær Grand Cru og 24 1er Cru ekrur. Sagt er að héðan komi vín sem engin kvennmaður getur hafnað, þ.e. fínlegheit og fágun en hugsanlegt er að nú til dags sé ekki lengur til siðs að tala um kvennleg vín því þau henta öllum 56 kynunum jafnt að sjálfsögðu. Þó að rauðvín séu hér alls ráðandi eru þó nokkur hvítvín framleidd.

Vosne-Romanée

Vosne-Romanée. Sagt er að héðan komi engin almúgavín heldur séu þau öll aristókratísk að eðlisfari. Í öllu falli eru þetta eftirsóttustu vín héraðsins (og líklega heimsins) sem telur 6 Grand Cru og 14 1er Cru ekrur.

Nuits St. Georges

Nuits St. Georges ,,Nætur Heilags Georgs” Sem stendur liggur inni umsókn um að uppfæra bestu ekru þorpsins ,,St. Georges”  í Grand Cru úr 1er Cru en að auki eru hér 41 ekrur í þeim flokki. Oft er talað um að norðurhluti svæðisins sé líkari aðliggjandi ekrum Vosne Romanée en að syðri hlutinn sé hið eiginlega Nuits St. Georges svæði.

Haute Cotes de Nuits er svæði sem stendur vestan og ofan við Nuits St. Georges. Fyrir daga hlýnunar skorti stundum á fullan þroska en í dag er þetta svæði góð uppspretta vína með gott verðgildi.

Cote de Nuits-Villages eru í raun samansafn vína sem koma ekki endilega frá einu þorpi heldur nokkrum samliggjandi, Premeaux, Comblanchien, Corgoloin, hvar jarðvegur er einkar rýr auk Brochon og Fixin. Á valdatíma sínum taldi Henri IV öll frönsk heimili ættu að njóta vína héðan með helgarkjúklingnum. Þessi vín hafa að jafnaði hátt verðgildi.

Aloxe Corton

Aloxe Corton dregur nafn sitt af samnefndri hæð sem jafnframt er stærsta Grand Cru ekran í Burgundy, reyndar að flestra mati aðeins of stór sem skýrir að hluta til að vínin eru að jafnaði þau ódýrustu í sínum flokki. Sérstaða Corton ekrunnar felst meðal annars í að hún er sú eina sem er tvískipt í rauðvín og hvítvín og heita þá Corton Charlemagne eftir samnefndum konungi sem vildi að áeggjan drottningar sinnar fela rauðvínsbletti sem áttu til að vera full áberandi á hvítu og síðu skeggi konungs og gat gefið þá röngu mynd að hlutverk þjóðhöfðingja væri bara prjál. Að auki eru hér fjórtán 1er Cru ekrur.

Savigny-Lès-Beaune

Beaune er miðpunktur hins eiginlega Burgundy svæðis sem jafnframt skiptir því í syðri hluta Cote de Beaune og svo Cote de Nuits að í norður í átt til Dijon sem jafnframt er höfuðstaður héraðsins. Í Beaune er aragrúi hótela og veitingastaða og því hentugt að gista þar ef svæðið er heimsótt. Svæðið vestan við borgina liggur upp í hlíð sem gefur góða afstöðu á móti sól. Stór hluti af bestu ekrum svæðisins eru í höndum stóru samlagshúsana sem áttu það til að gera heldur einsleit eða hreint út sagt léleg vín sem skaðaði orðsporið. En heimur batnandi fer og hafa samlagshúsin sum hver bætt sitt ráð auk þess sem nýjir framleiðendur hafa náð leigusamningum með burgundy hugsjónina að leiðarljósi.

Pommard

Pommard var hér áður fyrr þekkt fyrir að gera heldur karlmannleg og tannísk vín sem þurftu langa geymslu til að mýkjast. Með mýkri/kvennlegri áherslum í víngerðinni hefur hið gagnstæða gerst og eru vínin nú gjarnan mun aðgengilegri fyrr eftir átöppun. Hér eru engar Grand Cru ekrur og eingöngu rauðvín framleidd.

Volnay

Volnay er þekkt fyrir fínleg og fáguð vín sem allir ættu að prófa. Eitt skærasta nýstyrni þorpsins er Thibaud Clerget sem stýrir víngerðarhúsinu Yvonne Clerget sem staðsett er í Pommard.Hér eins og víða annarstaðar er mikil uppbygging í gangi í ferðaþjónustu.

Mersault

Meursault er eitt þriggja þorpa sem fullyrða má að sé höfuðdjásn hvítvínsgerðar í heiminum. Hér áttu vínin það til að vera smjör og jafnvel hnetukennd þó svo að hugsanlega sé dýpra á þeim einkennum í dag. 

Auxey-Duresses

Auxey Duresses telur alls 9 ekrur sem flokkaðar eru 1er Cru en þó að hvítvín komi upp í hugum margra þá er hér meira framleitt af rauðvínum.

Saint-Romain

St. Romain stendur lítillega hærra en önnur hvítvínsþorp og nýtur þess að hluta til í lítillega lægri hita í heitustu árum.

Chassagne-Montrachet

Chassagne Montrachet er syðst í röð hinna miklu hvítvínsþorpa (Puligny Montrachet og Meursault) Margir eiga sín uppáhaldsvín héðan enda óhætt að fullyrða að ekrur eins og Blanchot Dessus, La Romanée og Cailleret gefi af sér sum af stórfenglegustu vínum svæðisins. Af Grand Cru ekrum ber auðvitað fyrst að nefna sjálfa Montrachet og Batard Montrachet sem skiptist á milli Puligny og Chassagne en þorpinu tihleyrir líka Criots Batard Montrachet.

Puligny-Montrachet

Puligny Montrachet er höfuðdjásn hvítvínsframleiðslu Burgundy og því heimsins í leiðinni. Fyrst ber að telja meginhluta Montrachet en sagt er að þau vín beri að drekka á hnjánum. Næst kemur svo Chealier Montrachet sem af mörgum er talin standa þeirri fyrrnefndu allt að því jafnfætis auk Batard- og Bienvenue Batard Montrachet. En hér eru það auðvitað bestu 1er Cru ekrurnar sem flestir velta fyrir sér og eru þær bestu Cailleret og Pucelles en Clavaillon og Combottes eru auðvitað ekki langt að baki.

Saint-Aubin

St. Aubin stendur lítillega hærra en nærliggjandi bæir Puligny og Meursault. Héðan koma oft steinefnaríkari vín en á talsvert lægri verðum en frá nágrannaþorpunum tveimur.

Santenay

Santenay er syðsti bærinn á Cote de Beaune svæðinu sem eitthvað kveður að. Héðan koma bæði hvítvín og rauðvín á viðráðanlegri verðum.

Velkomin á Sante.is. Þessi vefur notar vafrakökur. Sjá hér.